今日我會同大家漫談港鐵史, 港鐵第一個業務: 九廣鐵路就要返去二十世紀初......
19世紀尾因香港同廣州貿易頻繁, 當時嘅港英政府同滿清政府商議興建連接香港同廣州嘅鐵路, 並響1898年達成協議, 興建一條連接九龍同廣州嘅鐵路, 專營權歸英方所有, 而鐵路按地域分成中英兩段, 並分別由兩國政府興建...
1905年9月立法局通過興建九廣鐵路, 1910年10月1號耗資130萬英鎊嘅九廣鐵路(英段)落成啟用, 總站設響尖沙咀, 其後1911年10月5號來往香港同廣州嘅港穗直通車亦隨華段建造完成而正式投入服務., 沙頭角支線亦響1912年4月1號正式落成通車, 後來因沿線興建公路而客量大跌響1928年廢止, 早期列車由蒸汽機車推動, 直到1962年被柴油機車取代...
1930年中國嘅內戰導致九廣鐵路直通車中斷運作, 1935年大圍車公廟增設停車點, 但響翌年停用, 1937年8月九廣鐵路增加九龍到汕頭嘅直通車服務...
直到抗日戰爭開始, 九廣鐵路(華段)經常受到日軍空襲, 九廣鐵路只能維持有限度服務, 1938年10月因廣州淪陷, 使九廣鐵路(華段)停止運作, 香港淪陷後, 日方響1943年完成修理整段九廣鐵路, 重新復辦來往香港到廣州嘅直通車...
(待續)
